Profundar na importancia cultural e cient\u00edfica dun recurso natural de vital importancia como \u00e9 a auga, particularizado no caso das augas termais, desde un punto de vista interdisciplinar. Con este obxectivo pres\u00e9ntase o proxecto Divulga-Aquis posto en marcha este curso acad\u00e9mico por profesoras das facultades de Ciencias e Historia do campus de Ourense e do IES Aquis Querquernis, de Bande, e no que alumnado de Bacharelato est\u00e1 traballando arredor do co\u00f1ecemento e divulgaci\u00f3n deste recurso natural.<\/p>\n
No proxecto participan desde a Facultade de Ciencias as profesoras e investigadoras da UVigo Mar\u00eda Luisa R\u00faa, Ana Torrado e Clara Fuci\u00f1os, do Laboratorio de Bioqu\u00edmica (grupo de investigaci\u00f3n AA1). Da Facultade de Historia est\u00e1 a profesora Susana Reboreda e do IES Aquis Querquernis, de Bande as profesoras Margarita Becerra e Ilda Blanco. A iniciativa desenv\u00f3lvese coa colaboraci\u00f3n da Fundaci\u00f3n Espa\u00f1ola para la Ciencia y la Tecnolog\u00eda (FECYT), do Ministerio de Ciencia e Innovaci\u00f3n, ademais da Vicerreitor\u00eda do Campus de Ourense e da propia Facultade de Historia.<\/p>\n
Divulga-Aquis, explican as s\u00faas promotoras, foi dese\u00f1ado para desenvolverse durante o curso acad\u00e9mico 2021\/2022 e nel participan dous cursos do IES Aquis Querquernis, un de primeiro e outro de segundo de Bacharelato. A actividade, detallan, xurdiu do interese com\u00fan de profesoras da Universidade de Vigo e do centro educativo participante \u201cpola divulgaci\u00f3n do co\u00f1ecemento e da ciencia as\u00ed como polo pasado da comarca, especialmente polo campamento romano de Aquis Querquennis\u201d. A isto eng\u00e1dase o feito de que a investigaci\u00f3n que realiza o Laboratorio de Bioqu\u00edmica no \u00e1mbito da biotecnolox\u00eda de microorganismos term\u00f3filos est\u00e1 dende o seu inicio estreitamente vinculada ao manancial termal do r\u00edo Caldo, moi pr\u00f3ximo ao citado instituto de Bande. As\u00ed, \u201ctanto o campamento romano Aquis Querquennis como o r\u00edo Caldo son centrais no proxecto Divulga-Aquis\u201d, tal e como apuntan as s\u00faas responsables.<\/p>\n
Ler a nova completa no DUVI<\/a><\/p>\n","protected":false},"excerpt":{"rendered":"